dekh mohabbat kaa dastuur
— Nasir Kazmi
Dekh mohabbat kaa dastoor
Too mujh se main tujh se duur
Tanhaa tanhaa phirte hain
Dil veeraan aankhen be-noor
Dost bichhaDte jaate hain
Shauq liye jaataa hai duur
Ham apna gham bhuul ga.e
Aaj kise dekhaa majboor
Dil kee dhaDkan kahtee hai
Aaj koi aa.egaa zaroor
Koshish laazim hai pyaare
Aage jo us ko manzoor
Sooraj Doob chalaa 'naasir'
Aur abhee manzil hai duur