dil dhadakne kaa sabab yaad aayaa
— Nasir Kazmi
Dil dhaDakne kaa sabab yaad aayaa
Wo tiree yaad thee ab yaad aayaa
Aaj mushkil thaa sambhalnaa ai dost
Too museebat men ajab yaad aayaa
Din guzaaraa thaa baDee mushkil se
Phir tiraa va.ada-e-shab yaad aayaa
Teraa bhoolaa huaa paimaan-e-wafa
Mar rahenge agar ab yaad aayaa
Phir ka.ee log nazar se guzre
Phir koee shahr-e-tarab yaad aayaa
Haal-e-dil ham bhee sunaate lekin
Jab wo rukhsat huaa tab yaad aayaa
Baith kar saaya-e-gul men 'naasir'
Ham bahut ro.e wo jab yaad aayaa