galii galii mirii yaad bichhii hai pyaare rasta dekh ke chal
— Nasir Kazmi
Galee galee miree yaad bichhee hai pyaare rasta dekh ke chal
Mujh se itnee vahshat hai to meree hadon se duur nikal
Ek samay tiraa phuul saa naazuk haath thaa mere shaanon par
Ek ye vaqt ki main tanhaa aur dukh ke kaanTon kaa jangal
Yaad hai ab tak tujh se bichhaDne kee wo andheree shaam mujhe
Too khaamosh khaDaa thaa lekin baaten kartaa thaa kaajal
Main to ek na.ee Dunya kee dhun men bhaTaktaa phirtaa hoon
Meree tujh se kaise nibhegee ek hain tere fikr o amal
Meraa munh kya dekh raha hai dekh is kaalee raat ko dekh
Main vahee teraa hamraahee hoon saath mire chalnaa ho to chal