hotii hai tere naam se vahshat kabhi kabhi

Hotee hai tere naam se vahshat kabhee kabhee Barham huee hai yuun bhee tabee'at kabhee kabhee Ai dil kise naseeb ye taufeeq-e-iztiraab Miltee hai zindagee men ye raahat kabhee kabhee Tere karam se ai alam-e-husn-aafreen Dil ban gaya hai dost kee khalvat kabhee kabhee Josh-e-junoon men dard kee tughyaaniyon ke saath Ashkon men Dhal ga.ee tiree soorat kabhee kabhee Tere qareeb rah ke bhee dil mutma.in na thaa Guzree hai mujh pe ye bhee qayaamat kabhee kabhee Kuch apna hosh thaa na tumhaaraa khayaal thaa Yuun bhee guzar ga.ee shab-e-furqat kabhee kabhee Ai dost ham ne tark-e-mohabbat ke baavajood Mahsoos kee hai teree zaroorat kabhee kabhee