kab talak muddaaa kahe koi

Kab talak mudda.aa kahe koi Na suno tum to kya kahe koi Ghairat-e-ishq ko qubool nahin Ki tujhe bevafaa kahe koi Minnat-e-naa-khuda nahin manzoor Chaahe us ko khuda kahe koi Har koi apne gham men hai masroof Kis ko dard-aashnaa kahe koi Kaun achchhaa hai is zamaane men Kyuun kisee ko buraa kahe koi Koi to haq-shanaas ho yaarab Zulm ko naa-ravaan kahe koi Wo na samjhenge in kinaayon ko Jo kahe barmalaa kahe koi Aarzoo hai ki meraa qissa-e-shauq Aaj mere sivaa kahe koi Jee men aataa hai Kuch kahoon 'naasir' Kya khabar sun ke kya kahe koi