Kuch to ehsaas e ziyaan thaa pahle

Kuch to ehsaas-e-ziyaan thaa pahle Dil kaa ye haal kahaan thaa pahle Ab to jhonke se laraz uThtaa hoon Nashsha-e-khvaab-e-giraan thaa pahle Ab to manzil bhee hai khud garm-e-safar Har qadam sang-e-nishaan thaa pahle Safar-e-shauq ke farsang na poochh Vaqt be-qaid makaan thaa pahle Ye alag baat ki gham raas hai ab Us men andesha-e-jaan thaa pahle Yuun na ghabraa.e hue phirte the Dil ajab kunj-e-amaan thaa pahle Ab bhee too paas nahin hai lekin Is qadar duur kahaan thaa pahle Dere Daale hain bagoolon ne jahaan Us taraf chashma ravaan thaa pahle Ab wo Dariya na wo bastee na wo log Kya khabar kaun kahaan thaa pahle Har kharaaba ye sadaa detaa hai Main bhee aabaad makaan thaa pahle UD ga.e shaakh se ye kah ke tuyoor Sarv ik shokh javaan thaa pahle Kya se kya ho ga.ee Dunya pyaare Too vaheen par hai jahaan thaa pahle Ham ne aabaad kiyaa mulk-e-sukhan Kaisaa sunsaan samaan thaa pahle Ham ne bakhshee hai khamoshee ko zabaan Dard majboor-e-fughaan thaa pahle Ham ne eejaad kiyaa tesha-e-ashk Sho.ala patthar men nihaan thaa pahle Ham ne raushan kiyaa maamoora-e-gham Varna har samt dhuaan thaa pahle Ham ne mahfooz kiyaa husn-e-bahaar Itr-e-gul sarf-e-khizaan thaa pahle Gham ne phir dil ko jagaayaa 'naasir' Khaana-barbaad kahaan thaa pahle