main ne jab likhnaa siikhaa thaa

Main ne jab likhnaa seekhaa thaa Pahle teraa naam likhaa thaa Main wo sabr-e-sameem hoon jis ne Baar-e-amaanat sar pe liyaa thaa Main wo ism-e-azeem hoon jis ko Jinn-o-malak ne sajda kiyaa thaa Too ne kyuun miraa haath na pakDaa Main jab raste se bhaTkaa thaa Jo paayaa hai wo teraa hai Jo khoyaa wo bhee teraa thaa Tujh bin saaree umr guzaaree Log kahenge too meraa thaa Pahlee baarish bhejne vaale Main tire darshan kaa pyaasaa thaa