musalsal bekalii dil ko rahii hai
— Nasir Kazmi
Musalsal bekalee dil ko rahee hai
Magar jiine kee soorat to rahee hai
Main kyuun phirtaa hoon tanhaa maaraa maaraa
Ye bastee chain se kyuun so rahee hai
Chale dil se ummeedon ke musaafir
Ye nagree aaj khaalee ho rahee hai
Na samjho tum ise shor-e-bahaaraan
Khizaan patton men chhup kar ro rahee hai
Hamaare ghar kee deevaaron pe 'naasir'
Udaasee baal khole so rahee hai