naasir kya kahtaa phirtaa hai Kuch na suno to behtar hai

'naasir' kya kahtaa phirtaa hai Kuch na suno to behtar hai Deevaana hai deevaane ke munh na lago to behtar hai Kal jo thaa wo aaj naheen jo aaj hai kal miT jaa.egaa Rookhee-sookhee jo mil jaa.e shukr karo to behtar hai Kal ye taab-o-tavaan na rahegee ThanDaa ho jaa.egaa lahoo Naam-e-khuda ho javaan abhee Kuch kar guzro to behtar hai Kya jaane kya rut badle haalaat kaa koee Thiik naheen Ab ke safar men tum bhee hamaare saath chalo to behtar hai KapDe badal kar baal banaa kar kahaan chale ho kis ke liye Raat bahut kaalee hai 'naasir' ghar men raho to behtar hai