o mere masruuf khuda
— Nasir Kazmi
O mere masroof khuda
Apnee Dunya dekh zaraa
Itnee khilqat ke hote
Shahron men hai sannaaTaa
JhonpaDee vaalon kee taqdeer
Bujhaa bujhaa saa ek diyaa
Khaak uDaate hain din raat
Meelon phail ga.e sahraa
Zaagh o zaghan kee cheekhon se
Suunaa jangal guunj uThaa
Sooraj sar pe aa pahunchaa
Garmee hai yaa roz-e-jazaa
Pyaasee dhartee jaltee hai
Suukh ga.e bahte Dariya
Faslen jal kar raakh huiin
Nagree nagree kaal paDaa