tire milne ko bekal ho gae hain

Tire milne ko bekal ho ga.e hain Magar ye log paagal ho ga.e hain Bahaaren le ke aa.e the jahaan tum Wo ghar sunsaan jangal ho ga.e hain Yahaan tak baDh ga.e aalaam-e-hastee Ki dil ke hausle shal ho ga.e hain Kahaan tak taab laa.e naa-tavaan dil Ki sadme ab musalsal ho ga.e hain Nigaah-e-yaas ko niind aa rahi hai Mizha par ashk bojhal ho ga.e hain Unhen sadiyon na bhoolegaa zamaana Yahaan jo haadse kal ho ga.e hain Jinhen ham dekh kar jiite the 'naasir' Wo log aankhon se ojhal ho ga.e hain