tum aa gae ho to kyuun intizaar e shaam karen

Tum aa ga.e ho to kyuun intizaar-e-shaam karen Kaho to kyuun na abhee se Kuch ehtimaam karen Khuloos-o-mehr-o-wafa log kar chuke hain bahut Mire khayaal men ab aur koi kaam karen Ye khaas-o-aam kee be-kaar guftugoo kab tak Qubool keejiye jo faisla avaam karen Har aadmee nahin shaa.ista-e-rumooz-e-sukhan Wo kam-sukhan ho mukhaatab to ham-kalaam karen Judaa hue hain bahut log ek tum bhee sahee Ab itnee baat pe kya zindagee haraam karen Khuda agar kabhi Kuch ikhtiyaar de ham ko Too pahle khaak-nasheenon kaa intizaam karen Rah-e-talab men jo gumnaam mar ga.e 'naasir' Mataa-e-dard unhee saathiyon ke naam karen