yuun tire husn ki tasviir gazal men aae

Yuun tire husn kee tasveer ghazal men aa.e Jaise bilqees sulemaan ke mahal men aa.e Jabr se ek huaa zaa.eqa-e-hijr-o-visaal Ab kahaan se wo mazaa sabr ke phal men aa.e Ye bhee aaraa.ish-e-hastee kaa taqaazaa thaa ki ham Halqa-e-fikr se maidaan-e-amal men aa.e Har qadam dast-o-garebaan hai yahaan khair se shar Ham bhee kis maarka-e-jang-o-jadal men aa.e Zindagee jin ke tasavvur se jilaa paatee thee Haa.e kya log the jo daam-e-ajal men aa.e