ab khushii hai na koi dard rulaane vaalaa
— Nida Fazli
Ab khushee hai na koi dard rulaane vaalaa
Ham ne apna liyaa har rang zamaane vaalaa
Ek be-chehra see ummeed hai chehra chehra
Jis taraf dekhiye aane ko hai aane vaalaa
Us ko rukhsat to kiyaa thaa mujhe ma.aloom na thaa
Sara ghar le gaya ghar chhoD ke jaane vaalaa
Duur ke chaand ko DhoonDo na kisee aanchal men
Ye ujaalaa nahin aangan men samaane vaalaa
Ik musaafir ke safar jaisee hai sab kee Dunya
Koi jaldee men koi der se jaane vaalaa