bas yuunhii jiite raho

Bas yoonhee jiite raho Kuchh na kaho Sub.h jab so ke uTho Ghar ke afraad kee gintee kar lo Taang par Taang rakhe roz kaa akhbaar paDho Us jagah qaht giraa Jang vahaan par barsee Kitne mahfooz ho tum shukr karo Radio khol ke filmon ke na.e giit suno Ghar se jab niklo to Shaam tak ke liye honTon men tabassum see lo Donon haathon men musaafe bhar lo Munh men kuch khokhle be-ma.anee se jumle rakh lo Mukhtalif haathon men sikkon kee tarah ghiste raho Kuchh na kaho Ujlee poshaak Samaajee izzat Aur kya chaahiye jiine ke liye Rose mil jaatee hai piine ke liye Bas yoonhee jiite raho Kuchh na kaho Bas yunhi jite raho Kuchh na kaho Subh jab so ke uTho Ghar ke afrad ki ginti kar lo Tang par Tang rakhe roz ka aKHbar paDho Us jagah qaht gira Jang wahan par barsi Kitne mahfuz ho tum shukr karo Radio khol ke filmon ke nae git suno Ghar se jab niklo to Sham tak ke liye honTon mein tabassum si lo Donon hathon mein musafe bhar lo Munh mein kuch khokhle be-mani se jumle rakh lo MuKHtalif hathon mein sikkon ki tarah ghiste raho Kuchh na kaho Ujli poshak Samaji izzat Aur kya chahiye jine ke liye Rose mil jati hai pine ke liye Bas yunhi jite raho Kuchh na kaho