besan ki saundhii rotii par khattii chatnii jaisii maan

Besan kee saundhee roTee par khaTTee chaTnee jaisee maan Yaad aatee hai! chaukaa baasan chimTaa phuknee jaisee maan Baans kee kharree khaaT ke uupar har aahaT par kaan dhare Aadhee soee aadhee jaagee thakee do-pahree jaisee maan ChiDiyon kee chahkaar men goonje raadhaa mohan alee alee Murghe kee awaaz se bajtee ghar kee kunDee jaisee maan Biivee beTee bahan paDosan thoDee thoDee see sab men Din bhar ik rassee ke uupar chaltee naTnee jaisee maan BaanT ke apna chehra maathaa aankhen jaane kahaan ga.ee PhaTe puraane ik album men chanchal laDkee jaisee maan