dil men na ho jurat to mohabbat nahin miltii
— Nida Fazli
Dil men na ho jur.at to mohabbat naheen miltee
Khairaat men itnee baDee daulat naheen miltee
Kuch log yoonhee shahr men ham se bhee khafaa hain
Har ek se apnee bhee tabee.at naheen miltee
Dekhaa hai jise main ne koee aur thaa shaayad
Wo kaun thaa jis se tiree soorat naheen miltee
Hanste hue chehron se hai baazaar kee zeenat
Rone kee yahaan vaise bhee fursat naheen miltee
Niklaa karo ye sham.a liye ghar se bhee baahar
Kamre men sajaane ko museebat naheen miltee