do chaar gaam raah ko hamvaar dekhnaa
— Nida Fazli
Do chaar gaam raah ko hamvaar dekhnaa
Phir har qadam pe ik na.ee deevaar dekhnaa
Aankhon kee raushnee se hai har sang aa.eena
Har aa.ine men khud ko gunahgaar dekhnaa
Har aadmee men hote hain das biis aadmee
Jis ko bhee dekhnaa ho ka.ee baar dekhnaa
Maidaan kee haar jiit to qismat kee baat hai
TuuTee hai kis ke haath men talvaar dekhnaa
Dariya ke is kinaare sitaare bhee phuul bhee
Dariya chaDhaa huaa ho to us paar dekhnaa
Achchhee naheen hai shahr ke raston se dostee
Aangan men phail jaa.e na baazaar dekhnaa