har ghadii khud se ulajhnaa hai muqaddar meraa

Har ghaDee khud se ulajhnaa hai muqaddar meraa Main hee kashtee hoon mujhee men hai samundar meraa Kis se poochhoon ki kahaan gum hoon ka.ee barson se Har jagah DhoonDhtaa phirtaa hai mujhe ghar meraa Ek se ho ga.e mausamon ke chehre saare Meree aankhon se kaheen kho gaya manzar meraa Muddaten biit ga.iin khvaab suhaanaa dekhe Jaagtaa rahtaa hai har niind men bistar meraa Aa.ina dekh ke niklaa thaa main ghar se baahar Aaj tak haath men mahfooz hai patthar meraa