intizaar

Muddaten biit ga.iin Tum nahin aa.iin ab tak Roz suraj ke bayaabaan men BhaTaktee hai hayaat Chaand ke ghaar men Thak-haar ke so jaatee hai raat Phuul kuch der mahaktaa hai Bikhar jaataa hai Har nasha Lahr banaane men utar jaataa hai Vaqt! Be-chehra havaaon saa guzar jaataa hai Kisee awaaz ke sabze men lahak jaisee tum Kisee khaamosh tabassum men chamak jaisee tum Kisee chehre men mahaktee huee aankhon jaisee Kaheen abroo kaheen gesoo kaheen baanhon jaisee Chaand se Phuul talak Yuun to tumheen tum ho magar Tum koi chehra koi jism koi naam nahin Tum jahaan bhee ho Adhooree ho haqeeqat kee tarah Tum koi khvaab nahin ho Jo mukammal hogee Muddaten bit gain Tum nahin aain ab tak Roz suraj ke bayaban mein BhaTakti hai hayat Chand ke ghaar mein Thak-haar ke so jati hai raat Phul kuch der mahakta hai Bikhar jata hai Har nasha Lahr banane mein utar jata hai Waqt! Be-chehra hawaon sa guzar jata hai Kisi aawaz ke sabze mein lahak jaisi tum Kisi KHamosh tabassum mein chamak jaisi tum Kisi chehre mein mahakti hui aankhon jaisi Kahin abru kahin gesu kahin banhon jaisi Chand se Phul talak Yun to tumhin tum ho magar Tum koi chehra koi jism koi nam nahin Tum jahan bhi ho Adhuri ho haqiqat ki tarah Tum koi KHwab nahin ho Jo mukammal hogi