jab se qariib ho ke chale zindagii se ham

Jab se qareeb ho ke chale zindagee se ham Khud apne aa.ine ko lage ajnabee se ham Kuch duur chal ke raaste sab ek se lage Milne ga.e kisee se mil aa.e kisee se ham Achchhe bure ke farq ne bastee ujaaD dee Majboor ho ke milne lage har kisee se ham Shaa.ista mahfilon kee fazaaon men zahr thaa Zinda bache hain zehn kee aavaargee se ham Achchhee bhalee thee Dunya guzaare ke vaaste Uljhe hue hain apnee hee khud-aagahee se ham Jangal men duur tak koee dushman na koee dost Maanoos ho chale hain magar bamba.ee se ham