Kuch bhi bachaa na kahne ko har baat ho gaii

Kuch bhee bachaa na kahne ko har baat ho ga.ee Aao kaheen sharaab piyen raat ho ga.ee Phir yuun huaa ki vaqt kaa paansa palaT gaya Ummeed jiit kee thee magar maat ho ga.ee Sooraj ko chonch men liye murghaa khaDaa raha KhiDkee ke parde kheench diye raat ho ga.ee Wo aadmee thaa kitnaa bhalaa kitnaa pur-khuloos Us se bhee aaj liije mulaaqaat ho ga.ee Raste men wo milaa thaa main bach kar guzar gaya Us kee phaTee qamees mire saath ho ga.ee Naqsha uThaa ke koi nayaa shahr DhoonDhiye Is shahr men to sab se mulaaqaat ho ga.ee