lafzon kaa pul
— Nida Fazli
Masjid kaa gumbad suunaa hai
Mandir kee ghanTee khaamosh
Juzdaanon men lipTe aadarshon ko
Deemak kab kee chaaT chukee hai
Rang
Gulaabee
Niile
Piile
Kaheen nahin hain
Tum us jaanib
Main is jaanib
Biich men meelon gahraa ghaar
Lafzon kaa pul Toot chukaa hai
Tum bhee tanhaa
Main bhee tanhaa
Masjid ka gumbad suna hai
Mandir ki ghanTi KHamosh
Juzdanon mein lipTe aadarshon ko
Dimak kab ki chaT chuki hai
Rang
Gulabi
Nile
Pile
Kahin nahin hain
Tum us jaanib
Main is jaanib
Bich mein milon gahra ghaar
Lafzon ka pul TuT chuka hai
Tum bhi tanha
Main bhi tanha