mutthii bhar logon ke haathon men laakhon ki taqdiiren hain

MuTThee bhar logon ke haathon men laakhon kee taqdeeren hain Judaa judaa hain dharm ilaaqe ek see lekin zanjeeren hain Aaj aur kal kee baat naheen hai sadiyon kee taareekh yahee hai Har aangan men khvaab hain lekin chand gharon men ta.abeeren hain Jab bhee koee takht sajaa hai meraa teraa Khoon bahaa hai Darbaaron kee shaan-o-shaukat maidaanon kee shamsheeren hain Har jangal kee ek kahaanee wo hee bhenT vahee qurbaanee Goongee bahree saaree bheDen charvaahon kee jaageeren hain