na jaane kaun saa manzar nazar men rahtaa hai
— Nida Fazli
Na jaane kaun saa manzar nazar men rahtaa hai
Tamaam umr musaafir safar men rahtaa hai
LaDaa.ee dekhe hue dushmanon se mumkin hai
Magar wo khauf jo deevaar-o-dar men rahtaa hai
Khuda to maalik-o-mukhtaar hai kaheen bhee rahe
Kabhi bashar men kabhi jaanvar men rahtaa hai
Ajiib daur hai ye tai-shuda nahin Kuch bhee
Na chaand shab men na sooraj sahar men rahtaa hai
Jo milnaa chaaho to mujh se milo kaheen baahar
Wo koi aur hai jo mere ghar men rahtaa hai
Badalnaa chaaho to Dunya badal bhee saktee hai
Ajab futoor saa har vaqt sar men rahtaa hai