nazdiikiyon men duur kaa manzar talaash kar

Nazdeekiyon men duur kaa manzar talaash kar Jo haath men nahin hai wo patthar talaash kar Sooraj ke ird-gird bhaTakne se faa.eda Dariya huaa hai gum to samundar talaash kar Taareekh men mahal bhee hai haakim bhee takht bhee Gumnaam jo hue hain wo lashkar talaash kar Rahtaa nahin hai Kuch bhee yahaan ek saa sadaa Darvaaza ghar kaa khol ke phir ghar talaash kar Koshish bhee kar umiid bhee rakh raasta bhee chun Phir is ke baa'd thoDaa muqaddar talaash kar