vaalid ki vafaat par

Tumhaaree qabr par Main faatiha paDhne nahin aayaa Mujhe maaloom tha Tum mar nahin sakte Tumhaaree maut kee sachchee khabar jis ne uDaa.ee thee Vo jhooTaa tha Vo tum kab the Koee sookhaa huaa patta havaa se mil ke TuuTaa tha Miree aankhen Tumhaare manzaron men qaid hain ab tak Main jo bhee dekhtaa hoon Sochtaa hoon Vo vahee hai Jo tumhaaree nek-naamee aur bad-naamee kee dunya thee Kaheen kuch bhee nahin badlaa Tumhaare haath meree ungliyon men saans lete hain Main likhne ke liye Jab bhee qalam kaaghaz uThaataa hoon Tumhen baiThaa huaa main apnee hee kursee men paataa hoon Badan men mere jitnaa bhee lahoo hai Vo tumhaaree Laghzishon naakaamiyon ke saath bahtaa hai Miree awaaz men chhup kar Tumhaaraa zehn rahtaa hai Miree beemaariyon men tum Miree laachaariyon men tum Tumhaaree qabr par jis ne tumhaaraa naam likhaa hai Vo jhooTaa hai Tumhaaree qabr men main dafn hoon Tum mujh men zinda ho Kabhee fursat mile to faatiha paDhne chale aanaa Tumhaari qabr par Main fatiha paDhne nahin aaya Mujhe malum tha Tum mar nahin sakte Tumhaari maut ki sachchi KHabar jis ne uDai thi Wo jhuTa tha Wo tum kab the Koi sukha hua patta hawa se mil ke TuTa tha Meri aankhen Tumhaare manzaron mein qaid hain ab tak Main jo bhi dekhta hun Sochta hun Wo wahi hai Jo tumhaari nek-nami aur bad-nami ki duniya thi Kahin kuch bhi nahin badla Tumhaare hath meri ungliyon mein sans lete hain Main likhne ke liye Jab bhi qalam kaghaz uThata hun Tumhein baiTha hua main apni hi kursi mein pata hun Badan mein mere jitna bhi lahu hai Wo tumhaari Laghzishon nakaamiyon ke sath bahta hai Meri aawaz mein chhup kar Tumhaara zehn rehta hai Meri bimariyon mein tum Meri lachaariyon mein tum Tumhaari qabr par jis ne tumhaara nam likha hai Wo jhuTa hai Tumhaari qabr mein main dafn hun Tum mujh mein zinda ho Kabhi fursat mile to fatiha paDhne chale aana