aao tum hi karo masiihaaii

Aao tum hee karo maseehaa.ee Ab bahaltee nahin hai tanhaa.ee Tum ga.e the to saath le jaate Ab ye kis kaam kee hai beenaa.ee Ham ki the lazzat-e-hayaat men gum Jaan se ik mauj-e-tishnagee aa.ee Ham-safar khush na ho mohabbat se Jaane ham kis ke hon tamannaa.ee Koee deevaana kahtaa jaataa thaa Zindagee ye nahin mire bhaa.ee Avval-e-ishq men khabar bhee na thee Izzaten bakhshtee hai rusvaa.ee Kaise paao mujhe jo tum dekho Sat.h-e-saahil se meree gahraa.ee Jin men ham khel kar javaan hue Vahee galiyaan huiin tamaashaa.ee Aao tum hi karo masihai Ab bahalti nahin hai tanhai Tum gae the to sath le jate Ab ye kis kaam ki hai binai Hum ki the lazzat-e-hayat mein gum Jaan se ek mauj-e-tishnagi aai Ham-safar KHush na ho mohabbat se Jaane hum kis ke hon tamannai Koi diwana kahta jata tha Zindagi ye nahin mere bhai Awwal-e-ishq mein KHabar bhi na thi Izzaten baKHshti hai ruswai Kaise pao mujhe jo tum dekho Sath-e-sahil se meri gahrai Jin mein hum khel kar jawan hue Wahi galiyan huin tamashai