ab tuu ho kisi rang men zaahir to mujhe kya

Ab too ho kisee rang men zaahir to mujhe kya Thahre tire ghar koi musaafir to mujhe kya Veeraana-e-jaan kee jo fazaa thee so rahegee Chahke kisee gulshan men wo taa.ir to mujhe kya Vo sham.a mire ghar men to be-noor hee Thahree Baazaar men wo jins ho naadir to mujhe kya Vo rang-fishaan aankh wo tasveer-numaa haath Dikhlaa.en na.e roz manaazir to mujhe kya Main ne use chaahaa thaa to chaahaa na gaya main Chaahe mujhe ab wo miree khaatir to mujhe kya Duniyaa ne to jaanaa ki numoo us men hai meree Ab ho wo miree zaat kaa munkir to mujhe kya Ik khvaab thaa aur bujh gaya aankhon hee men apnee Ab koi pukaare mire shaa.ir to mujhe kya Ab tu ho kisi rang mein zahir to mujhe kya Thahre tere ghar koi musafir to mujhe kya Virana-e-jaan ki jo faza thi so rahegi Chahke kisi gulshan mein wo tair to mujhe kya Wo shama mere ghar mein to be-nur hi Thahri Bazar mein wo jins ho nadir to mujhe kya Wo rang-fishan aankh wo taswir-numa hath Dikhlaen nae roz manazir to mujhe kya Main ne use chaha tha to chaha na gaya main Chahe mujhe ab wo meri KHatir to mujhe kya Duniya ne to jaana ki numu us mein hai meri Ab ho wo meri zat ka munkir to mujhe kya Ek KHwab tha aur bujh gaya aankhon hi mein apni Ab koi pukare mere shair to mujhe kya