aisii tez havaa aur aisii raat nahin dekhii

Aisi tez havaa aur aisi raat nahin dekhee Lekin ham ne maulaa jaisee zaat nahin dekhee Us kee shaan-e-ajeeb kaa manzar dekhne vaalaa hai Ik aisa khursheed ki jis ne raat nahin dekhee Bistar par maujood rahe aur sair-e-haft-aflaak Aisee kisee par rahmat kee barsaat nahin dekhee Us kee aal vahee jo us ke naqsh-e-qadam par Sirf zaat kee ham ne aal-e-saadaat nahin dekhee Ek shajar hai jis kee shaakhen phailtee jaatee hain Kisee shajar men ham ne aisi baat nahin dekhee Ik Dariya-e-rahmat hai jo bahtaa jaataa hai Ye shaan-e-barkaat kisee ke saath nahin dekhee Shaahon kee taareekh bhee ham ne dekhee hai lekin Us ke dar ke gadaaon vaalee baat nahin dekhee Us ke naam pe maaren khaanaa ab e'zaaz hamaaraa Aur kisee kee ye 'izzat auqaat nahin dekhee Sadiyon kee is dhoop Chaaon men koi hamen batlaa.e Puuree huee kaun see us kee baat nahin dekhee Ahl-e-zameen ne kaun saa ham par zulm nahin Dhaayaa Kaun see nusrat ham ne us ke haath nahin dekhee Aisi tez hawa aur aisi raat nahin dekhi Lekin hum ne maula jaisi zat nahin dekhi Us ki shan-e-ajib ka manzar dekhne wala hai Ek aisa KHurshid ki jis ne raat nahin dekhi Bistar par maujud rahe aur sair-e-haft-aflak Aisi kisi par rahmat ki barsat nahin dekhi Us ki aal wahi jo us ke naqsh-e-qadam par Sirf zat ki hum ne aal-e-sadat nahin dekhi Ek shajar hai jis ki shaKHen phailti jati hain Kisi shajar mein hum ne aisi baat nahin dekhi Ek dariya-e-rahmat hai jo bahta jata hai Ye shan-e-barkat kisi ke sath nahin dekhi Shahon ki tariKH bhi hum ne dekhi hai lekin Us ke dar ke gadaon wali baat nahin dekhi Us ke nam pe maren khana ab e'zaz hamara Aur kisi ki ye 'izzat auqat nahin dekhi Sadiyon ki is dhup chhanw mein koi hamein batlae Puri hui kaun si us ki baat nahin dekhi Ahl-e-zamin ne kaun sa hum par zulm nahin Dhaya Kaun si nusrat hum ne us ke hath nahin dekhi