ajiib thii wo ajab tarah chaahtaa thaa main

Ajiib thee wo ajab tarah chaahtaa thaa main Vo baat kartee thee aur khvaab dekhtaa thaa main Visaal kaa ho ki us ke firaaq kaa mausam Vo lazzaten thiin ki andar se TooTtaa thaa main ChaDhaa huaa thaa wo nashsha ki kam na hota thaa Hazaar baar ubhartaa thaa Doobtaa thaa main Badan kaa khel thiin us kee mohabbaten lekin Jo bhed jism ke the jaan se kholtaa thaa main Phir is tarah kabhi soyaa na is tarah jaagaa Ki ruuh niind men thee aur jaagtaa thaa main Kahaan shikast huee aur kahaan sila paayaa Kisee kaa ishq kisee se nibaahtaa thaa main Main ahl-e-zar ke muqaabil men thaa faqat shaa.er Magar main jiit gaya lafz haartaa thaa main Ajib thi wo ajab tarah chahta tha main Wo baat karti thi aur KHwab dekhta tha main Visal ka ho ki us ke firaq ka mausam Wo lazzaten thin ki andar se TuTta tha main ChaDha hua tha wo nashsha ki kam na hota tha Hazar bar ubharta tha Dubta tha main Badan ka khel thin us ki mohabbaten lekin Jo bhed jism ke the jaan se kholta tha main Phir is tarah kabhi soya na is tarah jaga Ki ruh nind mein thi aur jagta tha main Kahan shikast hui aur kahan sila paya Kisi ka ishq kisi se nibahta tha main Main ahl-e-zar ke muqabil mein tha faqat shaer Magar main jit gaya lafz haarta tha main