alfaaz

Ye lafz suqraat lafz iisaa Main in kaa khaaliq ye mere khaaliq Yahee azal hain yahee abad hain yahee zamaan hain yahee makaan hain Ye zehn-taa-zehn rah-guzar hain ye rooh-taa-rooh ik safar hain Sadaaqat-e-asr bhee yahee hain karaahat-e-jabr bhee yahee hain Alaamat-e-dard bhee yahee hain karaamat-e-sabr bhee yahee hain Baghair tafreeq-e-rang-o-maz.hab zameen zameen in kee baadshaahee Khinche hue hain lahoo lahoo men bichhe hue hain zabaan zabaan par Ye jhuuT bhee hain ye luuT bhee hain ye jang bhee hain ye Khoon bhee hain Magar ye majbooriyaan hain in kee Baghair in ke hayaat saaree tavahhumaatee Har ek harakat sukoot Thahre Na kah saken Kuch na sun saken Kuch Har ek aa.eena apnee akkaasiyon pe hairaan ho aur chup ho Nigaah-e-nazzaara-been tamaashaa ho vahshaton kaa Ijaazat-e-jalva de ke jaise zabaan se goyaa.ee chheen lee jaa.e Na husn Kuch ho na ishq Kuch ho Tamaam ehsaas kee havaa.en tamaam irfaan ke jazeere tamaam ye ilm ke samundar Saraab hon vahm hon gumaan hon Ye lafz tesha hain jin se afkaar apnee soorat taraashte hain Maseeh-e-dast-o-qalam se niklen to phir ye alfaaz bolte hain Yahee musavvir yahee hain but-gar yahee hain shaa.er Yahee mughannee yahee navaa hain Yahee payambar yahee khuda hain Main keemiyaa hoon ye keemiyaa-gar Ye meraa kalyaan chaahte hain Main in kee taskheer kar raha hoon Ye meree ta.ameer kar rahe hain Ye lafz suqraat lafz isa Main in ka KHaliq ye mere KHaliq Yahi azal hain yahi abad hain yahi zaman hain yahi makan hain Ye zehn-ta-zehn rah-guzar hain ye ruh-ta-ruh ek safar hain Sadaqat-e-asr bhi yahi hain karahat-e-jabr bhi yahi hain Alamat-e-dard bhi yahi hain karamat-e-sabr bhi yahi hain Baghair tafriq-e-rang-o-mazhab zamin zamin in ki baadshahi Khinche hue hain lahu lahu mein bichhe hue hain zaban zaban par Ye jhuT bhi hain ye luT bhi hain ye jang bhi hain ye KHun bhi hain Magar ye majburiyan hain in ki Baghair in ke hayat sari tawahhumati Har ek harakat sukut Thahre Na kah saken Kuch na sun saken Kuch Har ek aaina apni akkasiyon pe hairan ho aur chup ho Nigah-e-nazzara-bin tamasha ho wahshaton ka Ijazat-e-jalwa de ke jaise zaban se goyai chhin li jae Na husn Kuch ho na ishq Kuch ho Tamam ehsas ki hawaen tamam irfan ke jazire tamam ye ilm ke samundar Sarab hon wahm hon guman hon Ye lafz tesha hain jin se afkar apni surat tarashte hain Masih-e-dast-o-qalam se niklen to phir ye alfaz bolte hain Yahi musawwir yahi hain but-gar yahi hain shaer Yahi mughanni yahi nawa hain Yahi payambar yahi KHuda hain Main kimiya hun ye kimiya-gar Ye mera kalyan chahte hain Main in ki tasKHir kar raha hun Ye meri tamir kar rahe hain