azaab aae the aise ki phir na ghar se gae

Azaab aa.e the aise ki phir na ghar se ga.e Vo zinda log mire ghar ke jaise mar se ga.e Hazaar tarah ke sadme uThaane vaale log Na jaane kya huaa ik aan men bikhar se ga.e BichhaDne vaalon kaa dukh ho to soch lenaa yahee Ki ik navaa-e-pareshaan the rahguzar se ga.e Hazaar raah chale phir wo rahguzar aa.ee Ki ik safar men rahe aur har safar se ga.e Kabhee wo jism huaa aur kabhi wo ruuh tamaam Usee ke khvaab the aankhon men ham jidhar se ga.e Ye haal ho gaya aakhir tiree mohabbat men Ki chaahte hain tujhe aur tiree khabar se ga.e Miraa hee rang the to kyuun na bas rahe mujh men Miraa hee khvaab the to kyuun miree nazar se ga.e Jo zakhm zakhm-e-zabaan bhee hai aur numoo bhee hai To phir ye vahm hai kaisaa ki ham hunar se ga.e Azab aae the aise ki phir na ghar se gae Wo zinda log mere ghar ke jaise mar se gae Hazar tarah ke sadme uThane wale log Na jaane kya hua ek aan mein bikhar se gae BichhaDne walon ka dukh ho to soch lena yahi Ki ek nawa-e-pareshan the rahguzar se gae Hazar rah chale phir wo rahguzar aai Ki ek safar mein rahe aur har safar se gae Kabhi wo jism hua aur kabhi wo ruh tamam Usi ke KHwab the aankhon mein hum jidhar se gae Ye haal ho gaya aaKHir teri mohabbat mein Ki chahte hain tujhe aur teri KHabar se gae Mera hi rang the to kyun na bas rahe mujh mein Mera hi KHwab the to kyun meri nazar se gae Jo zaKHm zaKHm-e-zaban bhi hai aur numu bhi hai To phir ye wahm hai kaisa ki hum hunar se gae