aziiz itnaa hi rakkho ki ji sambhal jaae

Aziiz itnaa hee rakkho ki jee sambhal jaa.e Ab is qadar bhee na chaaho ki dam nikal jaa.e Mile hain yuun to bahut aao ab milen yuun bhee Ki ruuh garmi-e-anfaas se pighal jaa.e Mohabbaton men ajab hai dilon ko dhaDkaa saa Ki jaane kaun kahaan raasta badal jaa.e Zahe wo dil jo tamannaa-e-taaza-tar men rahe Khoshaa wo umr jo khawabon hee men bahal jaa.e Main wo charaagh sar-e-rahguzaar-e-Dunya hoon Jo apnee zaat kee tanhaa.iyon men jal jaa.e Har ek lahza yahee aarzoo yahee hasrat Jo aag dil men hai wo sher men bhee Dhal jaa.e Aziz itna hi rakkho ki ji sambhal jae Ab is qadar bhi na chaho ki dam nikal jae Mile hain yun to bahut aao ab milen yun bhi Ki ruh garmi-e-anfas se pighal jae Mohabbaton mein ajab hai dilon ko dhaDka sa Ki jaane kaun kahan rasta badal jae Zahe wo dil jo tamanna-e-taza-tar mein rahe KHosha wo umr jo KHwabon hi mein bahal jae Main wo charagh sar-e-rahguzar-e-duniya hun Jo apni zat ki tanhaiyon mein jal jae Har ek lahza yahi aarzu yahi hasrat Jo aag dil mein hai wo sher mein bhi Dhal jae