baahar kaa dhan aataa jaataa asal khazaana ghar men hai

Baahar kaa dhan aataa jaataa asl khazaana ghar men hai Har dhoop men jo mujhe saayaa de wo sachchaa saayaa ghar men hai Paataal ke dukh wo kya jaanen jo sat.h pe hain milne vaale Hain ek havaala dost mire aur ek havaala ghar men hai Miree umr ke ik ik lamhe ko main ne qaid kiyaa hai lafzon men Jo haaraa hoon yaa jiitaa hoon wo sab sarmaaya ghar men hai Too nanhaa-munnaa ek diyaa main ek samundar andhiyaaraa Too jalte jalte bujhne lagaa aur phir bhee andheraa ghar men hai Kyaa svaang bhare roTee ke liye izzat ke liye shohrat ke liye Suno shaam huee ab ghar ko chalo koi shakhs akelaa ghar men hai Ik hijr-zada baabul-pyaaree tire jaagte bachchon se haaree Ai shaa'ir kis Dunya men hai too tiree tanhaa Dunya ghar men hai Duniyaa men khapaa.e saal ka.ee aakhir men khulaa ahvaal yahee Vo ghar kaa ho yaa baahar kaa har dukh kaa mudaavaa ghar men hai Bahar ka dhan aata jata asl KHazana ghar mein hai Har dhup mein jo mujhe saya de wo sachcha saya ghar mein hai Patal ke dukh wo kya jaanen jo sath pe hain milne wale Hain ek hawala dost mere aur ek hawala ghar mein hai Meri umr ke ek ek lamhe ko main ne qaid kiya hai lafzon mein Jo haara hun ya jita hun wo sab sarmaya ghar mein hai Tu nanha-munna ek diya main ek samundar andhiyara Tu jalte jalte bujhne laga aur phir bhi andhera ghar mein hai Kya swang bhare roTi ke liye izzat ke liye shohrat ke liye Suno sham hui ab ghar ko chalo koi shaKHs akela ghar mein hai Ek hijr-zada babul-pyari tere jagte bachchon se haari Ai sha'ir kis duniya mein hai tu teri tanha duniya ghar mein hai Duniya mein khapae sal kai aaKHir mein khula ahwal yahi Wo ghar ka ho ya bahar ka har dukh ka mudawa ghar mein hai