chaand chehra sitaara aankhen mire khudaayaa main zindagii ke azaab likkhuun ki khvaab likkhuun

Mire khudaayaa main zindagee ke azaab likkhoon ki khvaab likkhoon Ye meraa chehra ye meree aankhen Bujhe hue se charaagh jaise Jo phir se chalne ke muntazir hon Vo chaand-chehra sitaara-aankhen Vo mehrbaan saaya-daar zulfen Jinhon ne paimaan kiye the mujh se Rafaaqaton ke mohabbaton ke Kahaa tha mujh se ki ai musaafir rah-e-wafa ke Jahaan bhee jaa.egaa ham bhee aa.enge saath tere Banenge raaton men chaandnee ham to din men saa.e bikher denge Vo chaand-chehra sitaara-aankhen Vo mehrbaan saaya-daar zulfen Vo apne paimaan rafaaqaton ke mohabbaton ke Shikast kar ke Na jaane ab kis kee rahguzar kaa manaara-e-raushnee hue hain Magar musaafir ko kya khabar hai Vo chaand-chehra to bujh gaya hai Sitaara-aankhen to so ga.ee hain Vo zulfen be-saaya ho ga.ee hain Vo raushnee aur wo saa.e miree ataa the So meree raahon men aaj bhee hain Ki main musaafir rah-e-wafa kaa Vo chaand-chehra sitaara-aankhen Vo mehrbaan saaya-daar zulfen Hazaaron chehron hazaaron aankhon Hazaaron zulfon kaa ek sailaab-e-tund le kar Mire ta.aaqub men aa rahe hain Har ek chehra hai chaand-chehra Hain saaree aankhen sitaara-aankhen Tamaam hain Mehrbaan saaya-daar zulfen Main kis ko chaahoon main kis ko choomoon Main kis ke saa.e men baith jaaon Bachoon ki toofaan men Doob jaaon Na meraa chehra na meree aankhen Mire khudaayaa main zindagee ke azaab likkhoon ki khvaab likkhoon Mere KHudaya main zindagi ke azab likkhun ki KHwab likkhun Ye mera chehra ye meri aankhen Bujhe hue se charagh jaise Jo phir se chalne ke muntazir hon Wo chand-chehra sitara-ankhen Wo mehrban saya-dar zulfen Jinhon ne paiman kiye the mujh se Rafaqaton ke mohabbaton ke Kaha tha mujh se ki ai musafir rah-e-wafa ke Jahan bhi jaega hum bhi aaenge sath tere Banenge raaton mein chandni hum to din mein sae bikher denge Wo chand-chehra sitara-ankhen Wo mehrban saya-dar zulfen Wo apne paiman rafaqaton ke mohabbaton ke Shikast kar ke Na jaane ab kis ki rahguzar ka manara-e-raushni hue hain Magar musafir ko kya KHabar hai Wo chand-chehra to bujh gaya hai Sitara-ankhen to so gai hain Wo zulfen be-saya ho gai hain Wo raushni aur wo sae meri ata the So meri rahon mein aaj bhi hain Ki main musafir rah-e-wafa ka Wo chand-chehra sitara-ankhen Wo mehrban saya-dar zulfen Hazaron chehron hazaron aankhon Hazaron zulfon ka ek sailab-e-tund le kar Mere taaqub mein aa rahe hain Har ek chehra hai chand-chehra Hain sari aankhen sitara-ankhen Tamam hain Mehrban saya-dar zulfen Main kis ko chahun main kis ko chumun Main kis ke sae mein baith jaun Bachun ki tufan mein Dub jaun Na mera chehra na meri aankhen Mere KHudaya main zindagi ke azab likkhun ki KHwab likkhun