chehra huaa main aur mirii tasviir hue sab

Chehra huaa main aur miree tasveer hue sab Main lafz huaa mujh men hee zanjeer hue sab Buniyaad bhee meree dar-o-deevaar bhee mere Ta.ameer huaa main ki ye ta.ameer hue sab Vaise hee likhoge to miraa naam bhee hogaa Jo lafz likhe wo miree jaageer hue sab Marte hain magar maut se pahle nahin marte Ye vaaqi.a aisa hai ki dil-geer hue sab Vo ahl-e-qalam saaya-e-rahmat kee tarah the Ham itne ghaTe apnee hee ta.azeer hue sab Us lafz kee maanind jo khultaa hee chalaa jaa.e Ye zaat-o-zamaan mujh se hee tahreer hue sab Itnaa sukhan-e-'meer' nahin sahl khuda khair Naqqaad bhee ab mo'taqid-e-'meer' hue sab Chehra hua main aur meri taswir hue sab Main lafz hua mujh mein hi zanjir hue sab Buniyaad bhi meri dar-o-diwar bhi mere Tamir hua main ki ye tamir hue sab Waise hi likhoge to mera nam bhi hoga Jo lafz likhe wo meri jagir hue sab Marte hain magar maut se pahle nahin marte Ye waqia aisa hai ki dil-gir hue sab Wo ahl-e-qalam saya-e-rahmat ki tarah the Hum itne ghaTe apni hi tazir hue sab Us lafz ki manind jo khulta hi chala jae Ye zat-o-zaman mujh se hi tahrir hue sab Itna suKHan-e-'mir' nahin sahl KHuda KHair Naqqad bhi ab mo'taqid-e-'mir' hue sab