dil hi the ham dukhe hue tum ne dukhaa liyaa to kya

Dil hee the ham dukhe hue tum ne dukhaa liyaa to kya Tum bhee to be-amaan hue ham ko sataa liyaa to kya Aap ke ghar men har taraf manzar-e-maah-o-aaftaab Ek charaagh-e-shaam agar main ne jalaa liyaa to kya Baagh kaa baagh aap kee dastaras-e-havas men hai Ek ghareeb ne agar phuul uThaa liyaa to kya Lutf ye hai ki aadmee aam kare bahaar ko Mauj-e-havaa-e-rang men aap nahaa liyaa to kya Ab kaheen boltaa nahin ghaib jo kholtaa nahin Aisaa agar koi khuda tum ne banaa liyaa to kya Jo hai khuda kaa aadmee us kee hai saltanat alag Zulm ne zulm se agar haath milaa liyaa to kya Aaj kee hai jo karbalaa kal pe hai us kaa faisla Aaj hee aap ne agar jashn manaa liyaa to kya Log dukhe hue tamaam rang bujhe hue tamaam Aise men ahl-e-shaam ne shahr sajaa liyaa to kya PaDhtaa nahin hai ab koi suntaa nahin hai ab koi Harf jagaa liyaa to kya sher sunaa liyaa to kya Dil hi the hum dukhe hue tum ne dukha liya to kya Tum bhi to be-aman hue hum ko sata liya to kya Aap ke ghar mein har taraf manzar-e-mah-o-aftab Ek charagh-e-sham agar main ne jala liya to kya Bagh ka bagh aap ki dastaras-e-hawas mein hai Ek gharib ne agar phul uTha liya to kya Lutf ye hai ki aadmi aam kare bahaar ko Mauj-e-hawa-e-rang mein aap naha liya to kya Ab kahin bolta nahin ghaib jo kholta nahin Aisa agar koi KHuda tum ne bana liya to kya Jo hai KHuda ka aadmi us ki hai saltanat alag Zulm ne zulm se agar hath mila liya to kya Aaj ki hai jo karbala kal pe hai us ka faisla Aaj hi aap ne agar jashn mana liya to kya Log dukhe hue tamam rang bujhe hue tamam Aise mein ahl-e-sham ne shahr saja liya to kya PaDhta nahin hai ab koi sunta nahin hai ab koi Harf jaga liya to kya sher suna liya to kya