ek main bhi hoon kulah daaron ke biich

Ek main bhee hoon kulah-daaron ke biich 'meer' saahab ke parastaaron ke biich Raushnee aadhee idhar aadhee udhar Ik diyaa rakkhaa hai deevaaron ke biich Main akelee aankh thaa kya dekhtaa Aa.eena-khaane the nazzaaron ke biich Hai yaqeen mujh ko ki sayyaare pe hoon Aadmee rahte hain sayyaaron ke biich Khaa gaya insaan ko aashob-e-ma.aash Aa ga.e hain shahr baazaaron ke biich Main faqeer ibn-e-faqeer ibn-e-faqeer Aur askandar hoon sardaaron ke biich Apnee veeraanee ke gauhar roltaa Raqs men hoon aur baazaaron ke biich Koee us kaafir ko us lamhe sune Guftugoo kartaa hai jab yaaron ke biich Ahl-e-dil ke darmiyaan the 'meer' tum Ab sukhan hai sho.abada-kaaron ke biich Aankh vaale ko nazar aa.e 'aleem' Ik mohammad-mustafaa saaron ke biich Ek main bhi hun kulah-daron ke bich 'mir' sahab ke parastaron ke bich Raushni aadhi idhar aadhi udhar Ek diya rakkha hai diwaron ke bich Main akeli aankh tha kya dekhta Aaina-KHane the nazzaron ke bich Hai yaqin mujh ko ki sayyare pe hun Aadmi rahte hain sayyaron ke bich Kha gaya insan ko aashob-e-maash Aa gae hain shahr bazaron ke bich Main faqir ibn-e-faqir ibn-e-faqir Aur askandar hun sardaron ke bich Apni virani ke gauhar rolta Raqs mein hun aur bazaron ke bich Koi us kafir ko us lamhe sune Guftugu karta hai jab yaron ke bich Ahl-e-dil ke darmiyan the 'mir' tum Ab suKHan hai shoabada-karon ke bich Aankh wale ko nazar aae 'alim' Ek mohammad-mustafa saron ke bich