ham ne khulne na diyaa be sar o saamaanii ko

Ham ne khulne na diyaa be-sar-o-saamaanee ko Kahaan le jaa.en magar shahr kee veeraanee ko Sirf guftaar se zakhmon kaa rafoo chaahte hain Ye siyaasat hai to phir kya kaheen naadaanee ko Koee taqseem na.ee kar ke chalaa jaataa hai Jo bhee aataa hai mire ghar kee nigahbaanee ko Ab kahaan jaaon ki ghar men bhee hoon dushman apna Aur baahar miraa dushman hai nigahbaanee ko Be-hisee wo hai ki kartaa nahin insaan mahsoos Apnee hee ruuh men aa.ee huee tughyaanee ko Aaj bhee us ko faraaz aaj bhee aalee hai vahee Vahee sajda jo kare vaqt kee sultaanee ko Aaj yoosuf pe agar vaqt ye laa.e ho to kya Kal tumheen takht bhee doge isee zindaanee ko Sub.h khalne kee ho yaa shaam bikhar jaane kee Ham ne khushboo hee kiyaa apnee pareshaanee ko Vo bhee har-aan nayaa meree mohabbat bhee na.ee Jalva-e-husn kashish hai miree hairaanee ko Kooza-e-harf men laayaa hoon tumhaaree khaatir Ruuh par utre hue ek ajab paanee ko Hum ne khulne na diya be-sar-o-samani ko Kahan le jaen magar shahr ki virani ko Sirf guftar se zaKHmon ka rafu chahte hain Ye siyasat hai to phir kya kahin nadani ko Koi taqsim nai kar ke chala jata hai Jo bhi aata hai mere ghar ki nigahbani ko Ab kahan jaun ki ghar mein bhi hun dushman apna Aur bahar mera dushman hai nigahbani ko Be-hisi wo hai ki karta nahin insan mahsus Apni hi ruh mein aai hui tughyani ko Aaj bhi us ko faraaz aaj bhi aali hai wahi Wahi sajda jo kare waqt ki sultani ko Aaj yusuf pe agar waqt ye lae ho to kya Kal tumhin taKHt bhi doge isi zindani ko Subh khalne ki ho ya sham bikhar jaane ki Hum ne KHushbu hi kiya apni pareshani ko Wo bhi har-an naya meri mohabbat bhi nai Jalwa-e-husn kashish hai meri hairani ko Kuza-e-harf mein laya hun tumhaari KHatir Ruh par utre hue ek ajab pani ko