hanso to rang hoon chehre kaa rovo to chashm e nam men hoon

Hanso to rang hoon chehre kaa rovo to chashm-e-nam men hoon Tum mujh ko mahsoos karo to har mausam men hoon Chaahaa thaa jise wo mil bhee gaya par khvaab bhare hain aankhon men Ai mere lahoo kee lahar bataa ab kaun se main 'aalam men hoon Log mohabbat karne vaale dekhenge tasveer apnee Ek shuaa-e-aavaara hoon aa.eena-e-shabnam men hoon Us lamhe to gardish-e-khoon ne meree ye mahsoos kiyaa Jaise sar pe zameen uThaa.e ik raqs-e-paiham men hoon Yaar miraa zanjeeren pahne aayaa hai baazaaron men Main ki tamaashaa dekhne vaale logon ke maatam men hoon Jo likkhe wo khvaab mire ab aankhon aankhon zinda hain Jo ab tak nahin likh paayaa main un khawabon ke gham men hoon Hanso to rang hun chehre ka rowo to chashm-e-nam mein hun Tum mujh ko mahsus karo to har mausam mein hun Chaha tha jise wo mil bhi gaya par KHwab bhare hain aankhon mein Ai mere lahu ki lahar bata ab kaun se main 'alam mein hun Log mohabbat karne wale dekhenge taswir apni Ek shua-e-awara hun aaina-e-shabnam mein hun Us lamhe to gardish-e-KHun ne meri ye mahsus kiya Jaise sar pe zamin uThae ek raqs-e-paiham mein hun Yar mera zanjiren pahne aaya hai bazaron mein Main ki tamasha dekhne wale logon ke matam mein hun Jo likkhe wo KHwab mere ab aankhon aankhon zinda hain Jo ab tak nahin likh paya main un KHwabon ke gham mein hun