jo us ne kiyaa use sila de
— Obaidullah Aleem
Jo us ne kiyaa use sila de
Maulaa mujhe sabr kee jazaa de
Yaa mere diye kee lau baDhaa de
Yaa raat ko sub.h se milaa de
Sach hoon to mujhe amar banaa de
JhooTaa hoon to naqsh sab miTaa de
Ye qaum ajiib ho ga.ee hai
Is qaum ko khoo-e-ambiyaa de
Utregaa na koi aasmaan se
Ik aas men dil magar sadaa de
Bachchon kee tarah ye lafz mere
Ma.abood inhen bolnaa sikhaa de
Dukh dahr ke apne naam likkhoon
Har dukh mujhe zaat kaa mazaa de
Ik meraa vajood sun raha hai
Ilhaam jo raat kee havaa de
Mujh se miraa koi milne vaalaa
BichhDaa to nahin magar milaa de
Chehra mujhe apna dekhne ko
Ab dast-e-havas men aa.eena de
Jis shakhs ne umar-e-hijr kaaTee
Us shakhs ko ek raat kya de
Dukhtaa hai badan ki phir mile wo
Mil jaa.e to ruuh ko dikhaa de
Kyaa chiiz hai khwaish-e-badan bhee
Har baar nayaa hee zaa.iqa de
Chhoone men ye Dar ki mar na jaaon
Chhoo luun to wo zindagee sivaa de
Jo us ne kiya use sila de
Maula mujhe sabr ki jaza de
Ya mere diye ki lau baDha de
Ya raat ko subh se mila de
Sach hun to mujhe amar bana de
JhuTa hun to naqsh sab miTa de
Ye qaum ajib ho gai hai
Is qaum ko KHu-e-ambiya de
Utrega na koi aasman se
Ek aas mein dil magar sada de
Bachchon ki tarah ye lafz mere
Mabud inhen bolna sikha de
Dukh dahr ke apne nam likkhun
Har dukh mujhe zat ka maza de
Ek mera wajud sun raha hai
Ilham jo raat ki hawa de
Mujh se mera koi milne wala
BichhDa to nahin magar mila de
Chehra mujhe apna dekhne ko
Ab dast-e-hawas mein aaina de
Jis shaKHs ne umar-e-hijr kaTi
Us shaKHs ko ek raat kya de
Dukhta hai badan ki phir mile wo
Mil jae to ruh ko dikha de
Kya chiz hai KHwahish-e-badan bhi
Har bar naya hi zaiqa de
Chhune mein ye Dar ki mar na jaun
Chhu lun to wo zindagi siwa de