khayaal o khvaab huii hain mohabbaten kaisii

Khayaal-o-khvaab huee hain mohabbaten kaisee Lahoo men naach rahi hain ye vahshaten kaisee Na shab ko chaand hee achchhaa na din ko mehr achchhaa Ye ham pe biit rahi hain qayaamaten kaisee Vo saath thaa to khuda bhee thaa mehrbaan kya kya BichhaD gaya to huee hain adaavaten kaisee Azaab jin kaa tabassum savaab jin kee nigaah Khinchee huee hain pas-e-jaan ye sooraten kaisee Havaa ke dosh pe rakkhe hue charaagh hain ham Jo bujh ga.e to havaa se shikaayaten kaisee Jo be-khabar koi guzraa to ye sadaa de dee Main sang-e-raah hoon mujh par inaayaten kaisee Naheen ki husn hee nairangiyon men taaq nahin Junoon bhee khel raha hai siyaasaten kaisee Na saahbaan-e-junoon hain na ahl-e-kashf-o-kamaal Hamaare ahd men aa.iin kasaafaten kaisee Jo abr hai vahee ab sang-o-khisht laataa hai Fazaa ye ho to dilon men nazaakaten kaisee Ye daur-e-be-hunaraan hai bachaa rakho khud ko Yahaan sadaaqaten kaisee karaamaten kaisee KHayal-o-KHwab hui hain mohabbaten kaisi Lahu mein nach rahi hain ye wahshaten kaisi Na shab ko chand hi achchha na din ko mehr achchha Ye hum pe bit rahi hain qayamaten kaisi Wo sath tha to KHuda bhi tha mehrban kya kya BichhaD gaya to hui hain adawaten kaisi Azab jin ka tabassum sawab jin ki nigah Khinchi hui hain pas-e-jaan ye suraten kaisi Hawa ke dosh pe rakkhe hue charagh hain hum Jo bujh gae to hawa se shikayaten kaisi Jo be-KHabar koi guzra to ye sada de di Main sang-e-rah hun mujh par inayaten kaisi Nahin ki husn hi nairangiyon mein taq nahin Junun bhi khel raha hai siyasaten kaisi Na sahban-e-junun hain na ahl-e-kashf-o-kamal Hamare ahd mein aain kasafaten kaisi Jo abr hai wahi ab sang-o-KHisht lata hai Faza ye ho to dilon mein nazakaten kaisi Ye daur-e-be-hunaran hai bacha rakho KHud ko Yahan sadaqaten kaisi karamaten kaisi