khvaab hi khvaab kab talak dekhuun
— Obaidullah Aleem
Khvaab hee khvaab kab talak dekhoon
Kaash tujh ko bhee ik jhalak dekhoon
Chaandnee kaa samaan tha aur ham tum
Ab sitaare palak palak dekhoon
Jaane too kis kaa ham-safar hogaa
Main tujhe apnee jaan talak dekhoon
Band kyuun zaat men rahoon apnee
Mauj ban jaaon aur chhalak dekhoon
Sub.h men der hai to phir ik baar
Shab ke rukhsaar se Dhalak dekhoon
Un ke qadmon tale falak aur main
Sirf pahnaa.ee-e-falak dekhoon
KHwab hi KHwab kab talak dekhun
Kash tujh ko bhi ek jhalak dekhun
Chandni ka saman tha aur hum tum
Ab sitare palak palak dekhun
Jaane tu kis ka ham-safar hoga
Main tujhe apni jaan talak dekhun
Band kyun zat mein rahun apni
Mauj ban jaun aur chhalak dekhun
Subh mein der hai to phir ek bar
Shab ke ruKHsar se Dhalak dekhun
Un ke qadmon tale falak aur main
Sirf pahnai-e-falak dekhun