koi dhun ho main tire giit hi gaae jaon

Koi dhun ho main tire giit hee gaa.e jaaon Dard siine men uThe shor machaa.e jaaon Khvaab ban kar too barastaa rahe shabnam shabnam Aur bas main isee mausam men nahaa.e jaaon Tere hee rang utarte chale jaa.en mujh men Khud ko likkhoon tiree tasveer banaa.e jaaon Jis ko milnaa nahin phir us se mohabbat kaisee Sochtaa jaaon magar dil men basaa.e jaaon Ab too us kee huee jis pe mujhe pyaar aataa hai Zindagee aa tujhe siine se lagaa.e jaaon Yahee chehre mire hone kee gavaahee denge Har na.e harf men jaan apnee samaa.e jaaon Jaan to chiiz hai kya rishta-e-jaan se aage Koee awaaz diye jaa.e main aa.e jaaon Shaayad is raah pe kuch aur bhee raahee aa.en Dhuup men chaltaa rahoon saa.e bichhaa.e jaaon Ahl-e-dil honge to samjhenge sukhan ko mere Bazm men aa hee gaya hoon to sunaa.e jaaon Koi dhun ho main tere git hi gae jaun Dard sine mein uThe shor machae jaun KHwab ban kar tu barasta rahe shabnam shabnam Aur bas main isi mausam mein nahae jaun Tere hi rang utarte chale jaen mujh mein KHud ko likkhun teri taswir banae jaun Jis ko milna nahin phir us se mohabbat kaisi Sochta jaun magar dil mein basae jaun Ab tu us ki hui jis pe mujhe pyar aata hai Zindagi aa tujhe sine se lagae jaun Yahi chehre mere hone ki gawahi denge Har nae harf mein jaan apni samae jaun Jaan to chiz hai kya rishta-e-jaan se aage Koi aawaz diye jae main aae jaun Shayad is rah pe kuch aur bhi rahi aaen Dhup mein chalta rahun sae bichhae jaun Ahl-e-dil honge to samjhenge suKHan ko mere Bazm mein aa hi gaya hun to sunae jaun