Kuch to bataao shaair e bedaar kya huaa

Kuch to bataao shaa.ir-e-bedaar kya huaa Kis kee talaash hai tumhen aur kaun kho gaya Aankhon men raushnee bhee hai veeraaniyaan bhee hain Ik chaand saath saath hai ik chaand gah gaya Tum ham-safar hue to huee zindagee aziiz Mujh men to zindagee kaa koi hausla na thaa Tum hee kaho ki ho bhee sakegaa miraa ilaaj Aglee mohabbaton ke mire zakhm-aashnaa Jhaankaa hai main ne khalvat-e-jaan men nigaar-e-jaan Koee nahin hai koi nahin hai tire sivaa Vo aur thaa koi jise dekhaa hai bazm men Gar mujh ko DhoonDnaa hai miree khalvaton men aa Ai mere khvaab aa miree aankhon ko rang de Ai meree raushnee too mujhe raastaa dikhaa Ab aa bhee jaa ki sub.h se pahle hee bujh na jaaon Ai mere aaftaab bahut tez hai havaa Yaa-rab ataa ho zakhm koi sher-aafreen Ik umr ho ga.ee ki miraa dil nahin dukhaa Vo daur aa gaya hai ki ab saahibaan-e-dard Jo khvaab dekhte hain vahee khvaab naa-rasaa Daaman bane to rang huaa dastaras se duur Mauj-e-havaa hue to hai khushboo gurez-paa Likkhen bhee kya ki ab koi ahvaal-e-dil nahin Cheekhen bhee kya ki ab koi suntaa nahin sadaa Aankhon men Kuch nahin hai ba-juz khaak-e-rahguzar Siine men Kuch nahin hai ba-juz naala-o-navaa Pahchaan lo hamen ki tumhaaree sadaa hain ham Sun lo ki phir na aa.enge ham se ghazal-saraa Kuchh to batao shair-e-bedar kya hua Kis ki talash hai tumhein aur kaun kho gaya Aankhon mein raushni bhi hai viraniyan bhi hain Ek chand sath sath hai ek chand gah gaya Tum ham-safar hue to hui zindagi aziz Mujh mein to zindagi ka koi hausla na tha Tum hi kaho ki ho bhi sakega mera ilaj Agli mohabbaton ke mere zaKHm-ashna Jhanka hai main ne KHalwat-e-jaan mein nigar-e-jaan Koi nahin hai koi nahin hai tere siwa Wo aur tha koi jise dekha hai bazm mein Gar mujh ko DhunDna hai meri KHalwaton mein aa Ai mere KHwab aa meri aankhon ko rang de Ai meri raushni tu mujhe rasta dikha Ab aa bhi ja ki subh se pahle hi bujh na jaun Ai mere aaftab bahut tez hai hawa Ya-rab ata ho zaKHm koi sher-afrin Ek umr ho gai ki mera dil nahin dukha Wo daur aa gaya hai ki ab sahiban-e-dard Jo KHwab dekhte hain wahi KHwab na-rasa Daman bane to rang hua dastaras se dur Mauj-e-hawa hue to hai KHushbu gurez-pa Likkhen bhi kya ki ab koi ahwal-e-dil nahin ChiKHen bhi kya ki ab koi sunta nahin sada Aankhon mein Kuch nahin hai ba-juz KHak-e-rahguzar Sine mein Kuch nahin hai ba-juz nala-o-nawa Pahchan lo hamein ki tumhaari sada hain hum Sun lo ki phir na aaenge hum se ghazal-sara