kuucha e ishq se kuch khvaab uthaa kar le aae

Koocha-e-ishq se kuch khvaab uThaa kar le aa.e The gadaa tohfa-e-naayaab uThaa kar le aa.e Kaun see kashtee men baiThen tire bande maulaa Ab jo dunya koi sailaab uThaa kar le aa.e Haa.e wo log ga.e chaand se milne aur phir Apne hee TuuTe hue khvaab uThaa kar le aa.e Aisaa ziddee tha miraa ishq na bahlaa phir bhee Log sach-much ka.ee mahtaab uThaa kar le aa.e Sat.h-e-saahil na rahi jab koi qeemat in kee Ham khazaanon ko tah-e-aab uThaa kar le aa.e Jab milaa husn bhee harjaa.ee to us bazm se ham Ishq-e-aavaara ko betaab uThaa kar le aa.e Is ko kam-zarfi-e-rindaan-e-giraamee kahiye Nashe chhoD aa.e mai-e-naab uThaa kar le aa.e Anjuman-saazi-e-arbaab-e-hunar kya kahiye Un ko wo aur unhen ahbaab uThaa kar le aa.e Ham wo shaa.ir hamen likhne lage jab log to ham Guftugoo ke na.e aadaab uThaa kar le aa.e Khvaab men lazzat-e-yak-khvaab hai dunya meree Aur mire falsafee asbaab uThaa kar le aa.e Kucha-e-ishq se kuch KHwab uTha kar le aae The gada tohfa-e-nayab uTha kar le aae Kaun si kashti mein baiThen tere bande maula Ab jo duniya koi sailab uTha kar le aae Hae wo log gae chand se milne aur phir Apne hi TuTe hue KHwab uTha kar le aae Aisa ziddi tha mera ishq na bahla phir bhi Log sach-much kai mahtab uTha kar le aae Sath-e-sahil na rahi jab koi qimat in ki Hum KHazanon ko tah-e-ab uTha kar le aae Jab mila husn bhi harjai to us bazm se hum Ishq-e-awara ko betab uTha kar le aae Is ko kam-zarfi-e-rindan-e-girami kahiye Nashe chhoD aae mai-e-nab uTha kar le aae Anjuman-sazi-e-arbab-e-hunar kya kahiye Un ko wo aur unhen ahbab uTha kar le aae Hum wo shair hamein likhne lage jab log to hum Guftugu ke nae aadab uTha kar le aae KHwab mein lazzat-e-yak-KHwab hai duniya meri Aur mere falsafi asbab uTha kar le aae