main jis men kho gaya hoon miraa khvaab hi to hai

Main jis men kho gaya hoon miraa khvaab hee to hai Yak do nafas numood sahee zindagee to hai Jaltee hai kitnee der havaaon men mere saath Ik sham.a phir mire liye raushan huee to hai Jis men bhee Dhal ga.ee use mahtaab kar ga.ee Mere lahoo men aisi bhee ik raushnee to hai Parchhaa.iyon men Doobtaa dekhoon bhee mahr-e-umr Aur phir bachaa na paa.oon ye bechaargee to hai Too boo-e-gul hai aur pareshaan huaa hoon main Donon men ek rishta-e-aavaargee to hai Ai khvaab khvaab umr-e-gurezaan kee saa.ato Tum sun sako to baat miree guftanee to hai Main jis mein kho gaya hun mera KHwab hi to hai Yak do nafas numud sahi zindagi to hai Jalti hai kitni der hawaon mein mere sath Ek shama phir mere liye raushan hui to hai Jis mein bhi Dhal gai use mahtab kar gai Mere lahu mein aisi bhi ek raushni to hai Parchhaiyon mein Dubta dekhun bhi mahr-e-umr Aur phir bacha na paun ye bechaargi to hai Tu bu-e-gul hai aur pareshan hua hun main Donon mein ek rishta-e-awargi to hai Ai KHwab KHwab umr-e-gurezan ki saato Tum sun sako to baat meri guftani to hai