main kaise jiyuun gar ye dunya har aan naii tasviir na ho

Main kaise jiyoon gar ye dunya har aan na.ee tasveer na ho Ye aate jaate rang na hon aur lafzon kee tanveer na ho Ai raah-e-ishq ke raahee sun chal aise safar kee lazzat men Tiree aankhon men na.e khvaab to hon par khawabon kee ta.abeer na ho Ghar aa.uun yaa baahar jaaon har ek fazaa men mere liye Ik jhooTee sachchee chaahat ho rasmon kee koi zanjeer na ho Jaise ye miree apnee soorat mire saamne ho aur kahtee ho Mire shaa.er tere saath hoon main maayoos na ho dil-geer na ho Koee ho to mohabbat aisi ho mujhe dhoop aur saa.e men jis ke Kisee jazbe kaa aazaar na ho kisee khwaish kee ta.azeer na ho Main kaise jiyun gar ye duniya har aan nai taswir na ho Ye aate jate rang na hon aur lafzon ki tanwir na ho Ai rah-e-ishq ke rahi sun chal aise safar ki lazzat mein Teri aankhon mein nae KHwab to hon par KHwabon ki tabir na ho Ghar aaun ya bahar jaun har ek faza mein mere liye Ek jhuTi sachchi chahat ho rasmon ki koi zanjir na ho Jaise ye meri apni surat mere samne ho aur kahti ho Mere shaer tere sath hun main mayus na ho dil-gir na ho Koi ho to mohabbat aisi ho mujhe dhup aur sae mein jis ke Kisi jazbe ka aazar na ho kisi KHwahish ki tazir na ho