main ye kis ke naam likkhuun jo alam guzar rahe hain

Main ye kis ke naam likkhoon jo alam guzar rahe hain Mire shahr jal rahe hain mire log mar rahe hain Koee ghuncha ho ki gul ho koi shaakh ho shajar ho Vo havaa-e-gulsitaan hai ki sabhee bikhar rahe hain Kabhee rahmaten thiin naazil isee khitta-e-zameen par Vahee khitta-e-zameen hai ki 'azaab utar rahe hain Vahee taa.eron ke jhurmuT jo havaa men jhoolte the Vo fazaa ko dekhte hain to ab aah bhar rahe hain BaDee aarzoo thee ham ko na.e khvaab dekhne kee So ab apnee zindagee men na.e khvaab bhar rahe hain Koee aur to nahin hai pas-e-khanjar-aazmaa.ee Hameen qatl ho rahe hain hameen qatl kar rahe hain Main ye kis ke nam likkhun jo alam guzar rahe hain Mere shahr jal rahe hain mere log mar rahe hain Koi ghuncha ho ki gul ho koi shaKH ho shajar ho Wo hawa-e-gulsitan hai ki sabhi bikhar rahe hain Kabhi rahmaten thin nazil isi KHitta-e-zamin par Wahi KHitta-e-zamin hai ki 'azab utar rahe hain Wahi taeron ke jhurmuT jo hawa mein jhulte the Wo faza ko dekhte hain to ab aah bhar rahe hain BaDi aarzu thi hum ko nae KHwab dekhne ki So ab apni zindagi mein nae KHwab bhar rahe hain Koi aur to nahin hai pas-e-KHanjar-azmai Hamin qatl ho rahe hain hamin qatl kar rahe hain